23. kapitola
O Žalmos 23
1 Le Davidoskro žalmos.
O RAJ hino miro pasťjeris,
ňič mange na chibaľinela. 2 Ľidžal man pro maľi, kaj hin e zeleno čar,
anel man paš o paňa, kaj hin o smirom. 3 Občerstvinel miri duša
a ľidžal man le čačipnaskre dromenca
vaš peskro nav. 4 Kajte geľomas la dolinaha prekal o baro kaľipen,
na darava man le nalačhipnastar,
bo tu sal manca;
tiro prutos the tiri paca man ochraňinen. 5 Pripravines mange o skamind
anglo jakha mire ňeprijaťeľenge.
O šero mange makhes le olejoha;
miri kuči prečuľal. 6 He, ča o lačhipen the o verno kamiben man ľidžana
andre savore dživesa medik dživava
a bešava andro kher le RAJESKRO pro furt.