8. kapitola
O Žalmos 8
1 Oleske, ko ľidžal o bašaviben. Pal o gittit8,1 Oda šaj el o lavutariko lav.. Le Davidoskro žalmos. 2 RAJEJA, Raja amaro,
savo baro hin tiro nav pal caľi phuv!
Tiri slava hazdňal upral o ňebos. 3 Andral o muja le čhavorengre the le cikne čhavengre
tuke džal e chvala,
bo kerďal, hoj tire ňeprijaťeľa te čhiten
a zaačhaďal savoren, ko pre tute džan. 4 Sar dikhav pre tiro ňebos,
pre buči tire anguštengri,
pro čhonoro the pro čercheňa,
save thoďal pre peskre thana, 5 phučav: „So hin o manuš, hoj pre leste gondoľines?
So hin o čhavo le manušeskro, hoj tut pal leste starines?“ 6 Kerďal lestar pro sikra cikneder sar o aňjela8,6 Abo: cikneder sar o ňeboskre bitosťi;
diňal les e slava the e pačiv sar e koruna. 7 Ačhaďal les te vladňinel upral tire vastengre buča,
savoro leske thoďal tel o pindre: 8 le bakren, le dobitkos,
the le dzive džviren, 9 le čiriklen andro luftos, le riben andro paňi,
the savoro, so plavinel andro moros. 10 RAJEJA, Raja amaro,
savo slavno baro hin tiro nav pal caľi phuv!