2. kapitola
1 Me som ča e kvitka andro Šaron,
ča e ľaľija, so barol andre dolina. 2 Sar e ľaľija maškar o koľaka,
ajsi hiňi miri laska maškar o terne čhaja. 3 Sar o lačho phabengro stromos
maškar o stromi andro veš,
ajso hin oda, ko man kamel,
feder sar savore terne čhave.
Igen kamavas te bešel andre leskro ciňos
a leskro ovocje hino gulo andre miro muj. 4 Domukľa mange te pijel peskri kamibnaskri mol2,4 E hebrejiko čhib: Anďa man andro kher la moľakro.,
leskro kamiben sas upral mande sar e zastava. 5 Občerstvinen man le hrozienkenca!
Zoraľaren man le phabenca,
bo som nasvaľi le kamibnastar! 6 Leskro baľogno vast hin tel miro šero
a peskre čače vasteha man obchudel. 7 Den man lav,
čhajale andral o Jeruzalem,
anglo srnki the anglo gazeli!
Ma čhalaven amaro kamiben,
medik o kamiben korkoro na kamela. Dujto giľi
8 Šunav o hangos oleskro, ko man kamel!
Dikh, avel kade!
Chučkerel pal o verchi a denašel pal o brehi; 9 hino sar e gazela, sar o terno jeleňis.
Dikh, kade ačhel pal amaro muros;
dikhel andre prekal o oblaki, zadikhel prekal o mreži. 10 Prevakerďa ke ma oda, ko man kamel:
„Ušťi upre, lasko miri,
av, miri šukarori! 11 Dikh, o jevend imar pregeľa;
o brišind preačhiľa, geľa het. 12 O kvitki aven avri pre phuv!
Avľa o časos pro giľavipen!
O hangos la hrdličkakro
šunďol andre amari phuv. 13 Pro figovňikos barol o terne figi,
o viňici kvitňisaľon a šukares voňinen.
Ušťi upre, lasko miri,
av, miri šukarori!“ 14 Holubico miri,
garuďi sal andre chev andre skala,
andre skalakri škara.
Sikav mange tiro muj
a domuk mange te šunel tiro hangos;
bo mištes šunďol tiro hangos
a šukar hin tiro muj. 15 Chuden amenge le lišken2,15 Kade šaj džal pal aver murša, so tiš kamen ola terňa džuvľa.,
le cikne lišken, so musaren o viňici,
amare viňici, so imar kvitňisaľon. 16 Oda, ko man kamel,
hino miro a me som leskri;
čaľarel pes maškar o ľaľije. 17 Medik na predžal o džives
a o ciňos na našľol,
visaľuv pale, tu, so man kames,
av ajso sar e gazela,
sar o terno jeleňis pro Beterska verchi2,17 Kada hin o verchi rozďelimen pro duj..